سابروسو كوزين

طلبنا تاكو اللحم، الطعم لذيذ وجودة اللحم ممتازة وواضح الاهتمام بالمكونات، لكن للأمانة التاكو كان شبه فاضي وكمية اللحم قليلة مقارنة بسعر الطبق، اللازانيا كانت نجمة الطلب 👌 مميزة جدًا وتفوز، توازن جميل بين اللحم والأجبان، الجودة عالية وما هي دسمة ولا ثقيلة على المعدة. الخدمة جيدة وتعاملهم لطيف، لكن أجواء المحل ما كانت مريحة بالنسبة لي بسبب قلة الإضاءة وإغلاق الستائر، خصوصًا إن زيارتي كانت في وقت نهار وكان ممكن المكان يكون أشرح وأجمل لو الإضاءة أفضل. بشكل عام التجربة حلوة وفيها نقاط قوة واضحة، مع بعض الملاحظات اللي أتمنى تتحسن مستقبلاً الطعام: 5 الخدمة: 5 الأجواء: 5

جداً جميل المطعم بس عندهم مشكله اوقات السلط ينقطع بعض الانواع وانا جداً مغرم في توميم سوب عندهم وجيتهم مرتين ماهي موجوده واتمنى شوي يكون في حرص على سرعة تخضير الطلب وشوية اهتمام في شكل خارج المطعم مايصير من بره قرمبع ومن داخل كشخه 😂😂، قيمة 5 ستار عشان ماضرهم ولا عندي ملاحظات كثيره عليهم بس لاني احب المطعم كثير يلا يستاهلون كل خير ربي يوفقهم الطعام: 5 الخدمة: 5 الأجواء: 5

أحب أبدأ بشكركم على الجهد المبذول في المطعم. التجربة بشكل عام جميلة، والأكل جداً لذيذ ورهيب من حيث الطعم والجودة، لكن في بعض النقاط اللي لو تم تحسينها بتفرق كثير في انطباع الزبائن وترفع مستوى المطعم بشكل واضح: -لوحة المطعم يُفضّل تعديل لوحة المطعم لتكون أوضح وأجمل، لأنها أول شيء يشوفه الزبون وتعطي الانطباع الأول عن المكان. -استقبال الزبائن وجود شخص مخصص لاستقبال الزبائن أول ما يدخلون مهم جدًا، يعطي إحساس بالترحيب والاهتمام وينظم الجلسات بشكل أفضل. -تنظيم تقديم الأطباق من الأفضل تقديم المقبلات أولًا، وبعد الانتهاء منها تُقدَّم الأطباق الرئيسية معًا. حاليًا نزول طبق كل 10 دقائق يربك الجلسة ويأثر على تجربة الأكل. -الإضاءة (خصوصًا وقت النهار) الإضاءة تحتاج تحسين، خاصة في النهار. الإضاءة المناسبة تعطي راحة للعين وتبرز جمال المكان والأطباق. -الكراسي الكراسي الحالية غير مريحة، وتغييرها أو تحسينها راح يخلي الجلسة أطول وأريح للزبائن. -الكمية مقابل السعر الأكل جميل جدًا من حيث الطعم، لكن كمية بعض الأطباق قليلة مقارنة بالسعر. الاستثناء الإيجابي هو أطباق الباستا؛ كميتها ممتازة وسعرها معقول ومُرضي. بشكل عام المطعم عنده أساس قوي جدًا، ومع هذه التعديلات البسيطة ممكن يتحول لتجربة مميزة ويكسب رضا وولاء الزبائن بشكل أكبر الطعام: 5 الخدمة: 4 الأجواء: 3

تجربه ممتعه ، بالنسبه اللي مايمدحون الاكل ، على العكس الطلبات اللي طلبناها كانت لذيذه وهي : ١) كاتسو كاري / لذيذ وطعمه مميز بهارات واضحه وحيل عجبني . ٢) ترافل باستا / لذيذه بس بدون دجاج بس صوص ترافل وقطع ترافل . ٣) شرمب ماكي / مررره عجبني وحتى السبايسي حلو حقه ، ولا تخافون الشرمب مقلي ومستوي مو ني لذيييذ انصح فيه وبقوه . ٤) كرسبي تشكن تاكو / هذا احس طعم الدجاج مو واضح ياليت يزيدون كميه الدجاج او يقللون كميه الاضافات الثانيه غير الدجاج عشان يوضح طعم الدجاج . ٥) باشن فروت موهيتو + موهيتو الخوخ / الاثنين اعجبونا وطعمهم لذيذ . ٦) حلى تيراميسو / حبيت ان نكهت القهوه مو قويه بالعكس متوازنه وتستمتعين فيه ، طبعا طلبت يكتبون عليه كلام عشان كنت مفاجئه صاحبتي .. 🎁 الخدمه ممتازه الاستقبال وحتى الويتر يخدمونكم بكل رقي واهتمام .. 🌟 ومايحتاج حجز مسبق وهذا شي احبه بالمطاعم .. 🥰 الاجواء راييقه وهادي ومريح وراقي جدا .. ✨ اكرر التجربه مره واثنين وعشر يستاهل ١٠/١٠ الطعام: 4 الخدمة: 5 الأجواء: 4

المكان مرتب وجميل ومهيئ والموظفين مره لطيفين بالتعامل.. الاكل جربت سلطة سلطة البراتا ٤/١٠ .. مسخن تاكو ٥/١٠ .. سوشي كراب ماكي٨/١٠ .. ترافل باستا ٧/١٠.. ال نوع الوجبة عشاء السعر للشخص الواحد ‏80–100 ر.س.‏ الطعام: 1 الخدمة: 3 الأجواء: 4 وقت الانتظار بلا انتظار