مركز بداية لصعوبات التواصل ( النطق واللغة) والبلع

شهادتي فيكم مجروحه صراحه قد ما اكتب او اتكلم ما أوفي الاخصائيات او المركز حقهم اخص بالذكر الاخصائيه رغد الصرامي و نورة العتيبي ونورة الرصيني و الاخصائيه مرح معاهم من اكثر من سنه و شفنا تطور مع ولدي بشكل مستمر الحمدلله و دائما اهتمامكم بالطفل يجي في المرتبه الاولى الله يجزاكم الف خير على تأديه الأمانه باكمل وجه 🌷

Bedaya Speech therapy centre deserves to be highly rated. The center is absolutely qualified for the job and i am very satisfied with the support they're offering to my daughter. Special thanks to the unique Specialists Albatool and Atheer for their hardwork, loyalty and patience, may allah bless you. And special thanks to receptionist Asmaa for her kindness, she represents the center in a remarkable way. .. تجربتي للسنه الثانية مع الأخصائية مريم الرشيد ° مخلصة جداً و متفانيه و فريده في أداء عملها، ملمه و على درايه تامه بما يحتاج المتدرب..لطيفه في تعاملها و بشوشه دائما. اسلوبها مميز في جذب الانتباه و تنمية حب التعلم. تطور لغوي واضح و ملحوظ جداً جداً جداً على ابنتي .. خاااااالص الشكر و التقدير و الاحترام للأخصائية الرائعة مريم الرشيد ❤️ اتمنى لها مزيداً من التقدم و التفوق 🌺

حابه اوجه جزيل الشكر للقائمين على المركز وعلى جميع الأخصائيات في هذا المركز وأخص بالشكر الأخصائيات : ولاء (سلوك) مرح (وظيفي) نوره الكنهل (تخاطب) رهف (تخاطب ) لاحظت فرق شاسع وتغير واضح في طفلي من ناحيه السلوك والتخاطب خصيصا لان اول ما جينا للمركز كان فيه تأخر شديد لكن حاليا في ثالث بكج والتغير تبارك الرحمن واضح للجميع وبإذن الله مستمرين لين نهايه الكورس ويتم كل المهارات المحتاجه اوصي بالمركز لكل ام او اب محتارين بين المراكز صحيح الاسعار شوي مرتفعه لكن يستاهل كل ريال على الفرق الي يلاحظ على الطفل واستغنينا عن جميع المراكز الاخرى لما بدينا في مركز بدايه وحابه اشدد بالشكر للاخصائيه ولاء ابو عيسى على صبرها وتعاونها المستمر ولطفها مع طفلي وانعكس بشكل واضح على سلوكياته والتغير المستمر للافضل على اننا لا زلنا في ثالث بكج لكن التغير الملاحظ بالسلوك تستحق الشكر والتقدير عليه والله يجزاهم خير جميعهم على كل جهودهم ويكتبه في ميزان حسناتهم

المركز رائع الاخصائيات جدا لطيفات ومتعاونات تجربتي بالتحديد مع قسم التخاطب وبصراحة التجربة ممتازة بداية بالتشخيص التفصيلي الى الاخصائيات وروعة تعاملهم مع طفلتي وصولاً الى الاخصائية الرائعة اروى قطان لها مني كل الشكر على روعة تعاملها وصبرها ودقتها. تركيزها العالي على بناء مهارات التواصل برغبة وحب من الطفل ما يجعل الفائدة مستدامة بإذن الله كما وأن صبرها الكبير وتفاعلها الرائع الودود وتحمل الطفل بكل حالته المزاجية المختلفة يجعلني فعلا ممتنة كونها تتابع ابنتي

معكم أم حلا مركز بداية رائع جدا ابتداء من المتعاونات في تحديد المواعيد الرسبشن الله يسعدهم مايقصرون معي انصح بالمركز لكل أم من واقع التجربة جيت المركز وكانت بنتي تحتاج العلاج السلوكي والتخاطب والوظيفي من نعم الله علي كانت البداية مع الرائعة والخلوقة رنيم الشيباني ❤️ يشهد الله علي مهما كتبت أظل عاجزه ولاأوفيه حقه من اول بكج معه تغيرت بنتي سلوكيا بشكل ملحوظ ولله الحمد الجلسات معه رائعه وتعزز وصارت بنتي تتشوق للجلسات معه إنسانه مخلصه جدا التخاطب مع الرائعة نوره الكنهل ❤️كل جلسة تتطور بنتي معه في اللغه من ناحية الأسماء والأفعال مخلصه ومعززه له وصارت بنتي تكون جمل ولله الحمد العلاج الوظيفي مع الرائعة رنيم الهزاني ❤️إنسانه مخلصه وتتقدم معه بنتي في الجلسات بشكل رائع وتوجهني لبعد الجلسة الله يسعدهم جميعا ويكتب أجرهم ساعدوني كثييييييييير بالرغم من بعد المسافه عن بيتي يستاهلون وتطورت بنتي معهم ولاقصور في الجميع وأتمنى من المركز فتح فروع أكثر وخاصة غرب الرياض