مستشفى الطائف الطبي

ولادتي الاولى كانت في حكومي وكنت متردده في الخاص بعد تجربتي ذي اقول كل وحده حامل تستاهل انها تاخذ ابره ظهر وتولد في مستشفى مثل ذا الممرضات حنونات ودكتوره سميره ودكتوره تيسير ساعدوني جدًا ويهدوني وممرضات التنويم ايضًا يساعدوني كل مادخل الحمام غير عن الحكومي وممرضه الحضانه تجي مع البيبي اذا طلبتها تساعدني على الرضاعه للطبيعيه شكرًا ممرضه الحضانه نهال وممرضات كشك الولاده ضحى واسماء دكتوره تيسير وسميره ومروه ودكتور التخديم شككككرًا جدًا 💓

الي يبغى يسوي تحليل دم ويخاف من الابره يروح عند مرام مرام الله يسعدها ويجزاها الجنه مررررا يدها خفيفه ماحسيت لا يوم حطتها ولا يوم طلعتها

أتقدم بجزيل الشكر والتقدير للأستاذة أفنان، إحدى منسوبي إدارة مستشفى الطائف، على حسن تعاونها وتفانيها في أداء عملها، وتعاملها الراقي والمشرف. كان لوقفتها وجهودها أثر كبير، وهذا غير مستغرب من كفاءات إدارية متميزة. أسأل الله لها التوفيق والسداد، ومزيدًا من التقدم والنجاح.

من افضل المستشفيات اخلاق وتعامل وكادر مميز السستر عائشة خدومة جدا وكل ما احتجتها أجدها في مكانها وكل شوي تتطمن الله يجزاها خير .. وجميع الدكتورات ( مروة وسميرة وفاطمة ) شكرا لهم من القلب .

ولدت عندهم وكنت اراجع عندهم بعد الكادر الطبي والممرضات اكثر من رائعات مراجعاتي مع دكتورة مروة ودكتورة ايناس اكثر من رائعة والولادة كانت مع دكتورة تيسير ولها من اسمها نصيب دكتوره جدا حنونه وبشوشة وهادئة والممرضة اسماء وقت الولاده كانت اكثر من اخت ودكتور التخدير لابرة الظهر يدة خفيفة جدا .. بس النظافة والعاملات دون المستوى مستشفى كبير مافي الا عاملتين نظافة فقط نطلب يجون ينظفون وننتظر اربع ساعات لين يجون وقسم الولادة اول مادخلته فيه ريحة جدا مزعجة وكلمناهم عنها ياليت تنتبهون للنظافة عشان يكون مستشفى كامل من جميع النواحي